الكلمـــــــات

الدنيا كلام ... بنسمعه او بنقراه او بنشوفه او بنفكر فيه... بس فى النهايه مجرد كلام

Name:
Location: Cairo, Egypt

Monday, November 14, 2005

استفهـــــــــام


اكدت تقديرات مبدئية ان تكاليف الحملات الانتخابية لمرشحي مجلس الشعب تصل الي 6 مليارات جنيه وهو مبلغ لا يدفعه الا الراغبون في مئة مليار علي الاقل

!!!!!!!!!!

عصام كامل ..... مدير تحرير الاحرار

الــــــم


غرست سنك فى السواد يا قلم
عشان ما تكتب شعر يقطر الم
مالك..جرالك ايه يا مجنون
وليه رسمت ورده وبيت وقلب وعلم
عجبى

Sunday, November 13, 2005

زهر الشتا


الدنيا من غير الربيع ميته
ورقه شجر ضعفانه ومفتفته
لا يا جدع غلطان..تامل وشوف
زهر الشتا طالع فى عز الشتا
عجبى

ازاى

عجبى عليك...عجبى عليك يا زمن
يا ابو البدع يا مبكى عينى دما
ازاى انا اختار لروحى طريق
وانا اللى داخل فى الحياه مرغما
عجبى

الى صانع الكلمات الاول صلاح جاهين

Thursday, November 10, 2005

دلع


هو:مش هاتقوليلى انت حلوه اوى ليه النهارده؟
هى:عشان انت لسه بتحبنى

منظر


طفل من اطفال الشوارع قاعد بيشرب سيجاره باستمتاع
تحت يافطه للريس
وبينفخ الدخان فى وشه اللى لابس نضاره شمس وبيبتسم بثقه
ومصعر خده للناس

!!!!!!!!

سفسطه


هى:لخصنى فى سطر واحد
هو:كل حاجه
هى:طب ايه بيضايقك منى؟؟
هو:لما مش بتبقى عايزه تبقى كل حاجه