الكلمـــــــات

الدنيا كلام ... بنسمعه او بنقراه او بنشوفه او بنفكر فيه... بس فى النهايه مجرد كلام

Name:
Location: Cairo, Egypt

Friday, February 04, 2011

مغترب خذيان

انا ما استحقش اني اكون مصري
انا ما استحقش اني اكون عايش
انا سبتها وهربت
وفي قلب ثورتها
وفي عز حموتها
عن المعارك غبت
اتلفتت حواليها في الازمه ما لقتنيش
انا لا استحق الهوا
ولا استحق العيش
لقت بدالي ولاد
حلوين كما نيلها
عاليين كما نخيلها
واقفين في وش الكل
بيشيلوا عني الذل
شايلينها في الازمه
ورفضت انا اشيلها
لقت بدالي ولاد
جدعان اوي وشداد
اولادها من قلبهم
مش بس بالميلاد
وانا الل اخري اشوفها في النشره
بتصارع الطغيان
بتكسر الجبروت
وبتنصر الغلبان
وتنفض النسيان
باشوفها في النشره
واقلب القنوات
اتوقع الاتي
واحلل اللي فات
وابكي علي اللي مات
مفروض مكاني هناك
مكاني اكون وسطهم
ابوس علي رجلهم
ولما استشهد اموت وانا في حضنهم
يا مصر سامحيني
خلعوني من ديني
طردوني من ارضك
سامحيني انا في عرضك
صحيح انا نسيتك
اوعي انتي تنسيني
لكن وعهد الله
لارجع واعيش فيكي
ولو باقيلي نفس
انا هاوهبه ليكي
هاتنفسه بيكي
يا ساكنه منا الروح
ارواحنا نهديكي
انا راجع اناديكي
انا راجع اداديكي
الاقيني والاقيكي
وابقي صحيح مصري
ابقي صحيح ولدك
من ضمنة الاولاد
اللي حماسهم زاد
جدعان اوي وشداد
اولادها من قلبهم
مش بس بالميلاد

9 Comments:

Anonymous مُسَافِرَة said...

..الله معكم يا شعب الحرية.. وقلوبنا كمان

8:57 AM  
Anonymous نادي حواء said...

كلمات جميلة

3:24 AM  
Anonymous مواقع زواج النادى said...

تسلم ايدك

3:30 AM  
Anonymous زواج زواج said...

تسلم ايدك

7:57 AM  
Anonymous زواج said...

الله ينور عليك

8:21 AM  
Blogger Abdullah said...

كلمات جميلة

10:20 PM  
Anonymous صحة أون لاين said...

موضوع شيق .. تسلم يمينك

2:56 PM  
Anonymous صحة أون لاين said...

اكثر من رائعة .. سلمت يمينك

10:24 AM  
Anonymous العاب said...

well done

4:34 AM  

Post a Comment

<< Home