خيبـــــــــــــــــــــــــــــــــه
من كام يوم كنت واقف في الشارع
قرب مني شاب في نفس سني تقريبا
هدومه مبهدله شويه وحاطط ايده تحت قميصه زي ما يكون ماسك حاجه
لقيته باصصلي بصه عنيفه اوي زي الافلام العربي وراح قايلي
ازيك يا استاذ
شكله كان جاي يثبتني او حاجه ولمحت بطرف عيني واحد تاني واقف بعيد عننا شويه بس متابع الموقف يعني
المهم تنحتله وباغبي صوت ممكن قلتله
ازيك يا حبيبي
الواد كش شويه وراح مطلع ايده فاضيه من تحت القميص وقالي
ما تعرفليش شغلانه حلوه يا استاذ
وحتي ما استناش يسمع انا هاقول ايه ولم نفسه وراح وقف جنب زميله ومشوا هما الاتنين
اظرف ما في الموضوع ان ده كان علي اول مكرم عبيد من الاوتوستراد
يعني في محطه مليانه ناس
وعلي بعد 100 متر من قسم الشرطه
!!!!!!!!!!!!
posted by kalam | 3:00 AM
5 Comments:
اول تعليق
لأ جدع وبطل
يا خوفي يا بدران المرة الجاية تطلع ايده مش فاضية
الف سلامة عليك، وخللي بالك من نفسك
ربنا يحفظك، شكرا على زيارتك الجميلة لمدونتي
مش عارفه ليه اللى كان هيثبتك ده صعب عليا...
بتخيل مثلا انه شاب لسه فى اول حياته محتاج حاجات كتير اوى تخليه بنى آدم
بتخيل لو كان اتولد فى اسره غنيه هيطلع ايه .. كنت ممكن انت وهو تبقوا زمايل فى المدرسه
كنتوا ممكن تبقوا صحاب ويبقى هو كمان عنده مدونه
بتخيله وهو طفل صغير ياترى كان عنده لعب ولاكان يدوب اخره يلعب فى الطين
الشاب ده نتاج طبيعى لمجتمعنا
مجتمع فقير فى كل شىء
ماديا
معنويا
رغم أن الموقف يبان عليه انه كوميدي
بس حسيت من كثر الفقر مابقاش فيه أمان في الشارع
كل واحد نازل حاطت ايده على قلبه مش عارف ممكن يحصله أيه
يا يتسرق
يا يضرب
يا حجات كثيرة
ربنا يستر علينا
يعطيكم العافية على ها الموقع الرائع
ويشرفني دعوتك لزيارة موقعي
http://araball.net
منتدايات زوايا عربية
http://araball.net/vb/index.php
طبعا انا مش مع نوسة فى كلامها اللى بيقول
الشاب ده نتاج طبيعى لمجتمعنا
مجتمع فقير فى كل شىء
ماديا
ومعنويا
المجتمع فقير اوك انا معاكى لكن مش كل فقير يبقى كدة فين اهلة لو اهلة معرفوش يربوة لية هو ما اتعلمش من اخطائة واكيد شاف اخطاء كتير لية مفكرشى انا مش معاكى انا كل حاجة نقول المجتمع
صعب المجتمع يعمل كل حاجة احنا محتاجينها
فين دورنا احنا
تحياتى
Post a Comment
<< Home