الورده
الورده مالت عالتراب
واترنحت
مالت باوراق مجروحين
بانت جروحها وفتحت
والجرح مفتوح من سنين
مديت ايديا سندتها
حطت في ايدي دمعتين
واتبسمت
بصتلي بعيون غرقانين
من غير كلام اتكلمت
واتهكمت
ما بين ايديا استسلمت
الورده ماتت مالتعب
شديت ايديا نزعتها
من جدرها
ورفعت ايدي اشمها
ريحتها راحت منها
فبخطوه مليانه الم
اخدتها لعند العلم
وحفرت حفره دفنتها
posted by kalam | 6:06 AM
4 Comments:
صديقى ابو حبيبة
انت فين ياعمنا ؟ ازيك
حبيبة قربت على السنة مش كدة؟
ظهورك طمنى عليك
***
بقى حد يدفن وردة برضة
الوردة دائما ـ محروسة ـ بالشوك ومهما حصل الشوك لازم يحميها واحنا
الشوك ـ وحشنى يازوق ـ تحياتى
aih ya 3am, anta hatktb kol sana mara !!! ady algwaz we saneno ...
7alwa bgd .. 3agbtny sa7ee7...
جدو:
حبيبي .... منور الدنيا
بيبو بقت 9 شهور الحمد لله
بس بقت شيطانه
تحياتي ليك ولاولادك ولاحفادك
:)
امحتب:
الحمد لله انها عجبتك
بكره تتجوز وتعرف ان كده رضا اوي
كويس اني باعرف اكتب اساسا
المسئوليه يا صاحبي ...المسئوليه
:)
ابو حبيبة
حمدا لله على سلامتك
يارب الورود تفضل موجودة ومنورة حياتنا على طول
كلماتك جمييييلة
Post a Comment
<< Home