ابنوديـــــــــــات

دي شويه مقاطع عشت طول عمري وهي بترن في ودني بصوت عبد الرحمن الابنودي الساحر

****************

من قصيده يامنه

كرمش وشي
فاكر يامنه وفاكر الوش؟
اوعي تصدقها الدنيا
غش في غش
اذا جاك الموت يا وليدي
موت علي طول
اللي اتخطفوا فضلوا احباب
صاحيين في القلب
كأن ما حدش غاب

****************

قدم البيت
اتهدت قبله بيوت وبيوت
واصيل هو
مستنيني لما اموت
هتيجي العيد الجاي؟
واذا جيت
هتجيني لجاي؟
وهتشرب مع يامنه الشاي؟
هاجي يا عمه
وجيت
لا لقيت يامنه
ولا البيت

****************

من قصيده الطريق والصحاب

يا بلدنا
احلي ما فيكي ان توبك هو نفسه
البيوت لون التراب
والوشوش لون التراب
لوفضلت اغني مية ليله طويله
مستحيل اقدر اقولك
قد ايه انتي جميله
بس لسه سراج صحابي فيه نهار
وانا جاي عشان اريح بين ايديهم بلوتي
واطفي نار

****************

من قصيده وجوه علي الشط

فيه فلاحين لسه هناك

مش كلهم هاجروا

فيه فلاحين لسه

بيزرعوا الغله

تحت الهلاك

****************

بياع الوشنه

اللي العصريه بيزمر ويفوت

من اليوم مش هيفوت
ولا هينادي علي المنجه ولا التوت

زي ما كل الناس بتموت

بياع الوشنه يا جمالات
مات

****************

بص قصادك
مش عسكر دي
مش دي ولاد ناس
مش دول ليهم ابات وامات
مش ليهم ايام عمر وكانت مفروض تتعاش
مش تعبت فيهم اهاليهم ولا جايين الدنيا بلاش
دي ناس جايه لاجل تموت
وتموت ليه؟
ما تعيشي شبابها ليه؟
ما تروحش السيما وما تحبش ليه؟
حكم الانسان علي الانسان

****************

كانت غريبه وهي نايمه في ارضها

شفت السويس بتغتصب مقتوله علي طول الرصيف
كانت غريبه وهي مرميه هناك علي ضهرها
بيفضها اللي ما حبها
من اليمين ومن الشمال
هنا اليهودي الامريكاني اللي غلب
واللي علي الرمله انتصب
وهنا ابو الايد اللي غرقانه في خواتمها الدهب
دي يد مين؟

ودي يد مين؟
لا تسالوا
لحسن تعب
تعب
تعب