Tag

كريم امحتب عملي تاج
اهي فرصه اكتب حاجه بدل البيات الشتوي اللي انا فيه

ايه اللي هيحصل لإيميلك لما تموت ؟
هيقعد شويه شغال وبعدين يحصله
Deactivate

اديت الباس وورد لحد قبل كده ؟
ايوه وغيرتها بعدها بساعه

اسمك ؟
احمد حمدي رضوان

اسم الدلع المشهور وسط اصحابك ؟
ماليش

عمرك؟
26 سنه

برجك ؟
العقرب

مجال دراستك ؟
تربيه انجليزي
وبعدين Software Development

شخصيتك نوعها إيه ؟
والله بتتغير كل مرحله
كنت زمان مندفع وجريء وعصبي وقوي
دلوقتي حذر وهادي ومرهق

السفر بالنسبه لك ؟
باحبه اوي اوي اوي

المود بتاعك ؟
قلوق وبافكر طول الوقت في كل حاجه

وقت فراغك بتعمل فيه ايه ؟
باهشتك حبيبه :)

الأكلة المفضلة ؟
بيتزا بكل انواع الجبنه

الصفات اللي خدتها من بابا ؟
ما فيش تقريبا
أنا وهو اتنين مختلفين تماما

الصفات اللي خدتها من ماما ؟
الميل للسمنه :)

اكتر 6 حاجات بتكرهها ؟
حد يبص لمراتي واحنا ماشيين في الشارع
اجي اركب الميكروباص جنب السواق فيلاقيني ضخم ويقولي محجوز
حد يديني ميعاد ويتأخر
اسمع ان فيه جنين مات قبل ما يتولد
اتفرج علي التليفزيون المصري
اشوف كرم جبر بتاع روزاليوسف بيتكلم (هو او سمير رجب)

أكتر 6 حاجات بتحبها ؟
فيروز(مش اللي بتتشرب)
حبيبه بنتي تسند راسها علي صدري وتنام
البسبوسه
اسكندريه في الشتا
الرياضه لما ما بابقاش باخسس ومفحوت
العوم في البحر

الشغل بالنسبه لك ؟
وسيله واكل عيش

ايه الكمبيوتر والانترنت بالنسبة لك ؟
حاجه مهمه وعبقريه وما اقدرش اعيش من غيرها
وكئيبه ونفسي اعيش من غيرها

بامرر التاج لاي حد نفسه يقول تعليقات عن نفسه