الكلمـــــــات

الدنيا كلام ... بنسمعه او بنقراه او بنشوفه او بنفكر فيه... بس فى النهايه مجرد كلام

Name:
Location: Cairo, Egypt

Wednesday, January 10, 2007

كأبــــــــــه


الشارع في البلد دي
مليان حكايات كتير
مليان بناس بتشكي
وناس تحلم تطير
وناس تلاقيها واقفه
تتفرج عالحياه
وناس في الزحمه خايفه
وبتحلم بالنجاه
وناس بقلوبها شايفه
وعيونها مغمضين
وفي وسط الناس تلاقي
شاعر واقف حزين
بيدور عالحقيقه
في وشوش المطحونين
وبيسالهم سؤال
عن البخت اللي مال
وعن احوال بلدهم
وناسهم والعيال
وتبص الناس لحاله
وما تردش عليه
عبيط ده ولا ايه
الحال تعبان وظاهر
اكيد قدام عينيه
الناس بتدور تطوف
ماشيين ميات الوف
عايشين غربا في بلدهم
عايشين فيها ضيوف
نايمين قايمين في خوف
من بكره واللي جاي
واللي ماسكله طبله
واللي ماسكله ناي
ووشوش الناس بتحكي
في حكايه كل يوم
ضحكه وشوال هموم
وعتاب وجراح ولوم
سفر ودموع وداع
وشعورهم بالضياع
وحنين كتير كتير
لشعورهم بالامان
لشعورهم بالنجاح
لشعورهم بالبلد دي
ولفايده الكفاح
الناس بتموت خلاص
وبتكره الحياه
يبقي منين الفلاح؟
تبقي منين النجاه؟
تبقي ازاي الحياه؟؟

8 Comments:

Blogger big big girl...in a big big world said...

انا ابتديت اخاف علينا من كتر همومنا
بس برضه لازم نعافر
لا تقل يا رب ان لدى هم عظيم
بل قل يا هم انى لديا رب عظيم
هو ده املنا الوحيد

4:48 AM  
Anonymous Anonymous said...

el donia kolaha 7awadeet...

1:44 PM  
Anonymous Anonymous said...

هناك مثل مغربي يقول: ما ف الهم غير لي كيفهم
يعني أن: من يعي بالهم هو وحده المهموم

3:55 AM  
Blogger عنقود العنب said...

كنت فاكرة ان ماحدش فيها مهموم بيها....؟؟
كنت فاكرة اننا كلنا مهمومين بحالنا و قوت عيالنا زي مابتقول
و ان ماحدش شاغله ((هي)) ..
بس انت (هي) شاغلاك.. وخايف عليها
بص:
أصلها مزروعة جوه قلوبنا الحزنة
وكل قلب له معاد لما يحس ويشوف همها اللي جواه...
أنا حسيتها لما طلعت منها.. يعني كان لازم عشان أحسها أتحرم منها؟؟
يا بختك انك بجد ضناها.. وشايل همها و حاسس بناسها وانت لسة تحت سماها..
كلامك حلو قوي واحساسك بيها يبيكسفني من نفسي

10:46 AM  
Blogger عنقود العنب said...

الاغنية اللي ع المدونه روعة
خلتني أبتسم من قلبي و أدمع في نفس الوقت
ياريت لو تحط الرابط عشان نقدر ننزلها

10:55 AM  
Blogger kalam said...

شكرا علي الكلام الجميل
المشكله ان احنا ما فيش في ايدينا غيره

رابط الاغنيه
http://www.geocities.com/alexscorpio13/data/Track_3.mp3

11:39 PM  
Blogger Unknown said...

القصيدة تمكنك من المكاشفة
فى غاية الصدق

والعنوان
يحتاج لإعادة نظر
تحياتى
وحشتنى طلتك

4:52 AM  
Blogger كلبوزة لكن سمباتيك said...

ايوة صح

8:59 AM  

Post a Comment

<< Home