ملحوظــــــــــــه
راح في حادثه العباره لوحدها اكتر من اللي مات لحد دلوقتي في حرب لبنان
ده غير قطر الصعيد ومسرح بني سويف وحرب البدو في سينا وغيره وغيره
ما بقيتش عارف مين الاسوء
الصهاينه والامريكان
ولا الفساد والحكومات العربيه
عشان كده باقترح زي ما فيه جريمه حرب
يبقي فيه جريمه حكم
ولا تسقط بالتقادم
ملحوظه 2 - تحديث
هادي نصر الله استشهد وهويقاتل في الخطوط الاماميه
و جواد نصر الله يقاتل الان في الخطوط الاماميه
و جيمي ابن سوزي بيصيف مع خوخه
posted by kalam | 5:30 AM
14 Comments:
علي فكرة المصريين بيتلككوا بقي
صاروخ وعملية انتحارية يموتوا 3 جنود اسرائيلين وحادثة ميكروباص تاخدلها بتاع 20 مصري علي الأقل
ما علينا لو هنعمل جرائم حكم.. انا عاوزة المرحوم ناصر وسي كمال وعمو حبيب في موضوع مهم
وما تنسيش بابا والي
الراعي الرسمي للسرطان
كلام
مافيش كلام يتقال
على فكرة
رغم انك اختصرتنى فى البوست اللى فات فى كلمة
وغيرهم وغيرهم
الا انى رغم هذا باقول للكلمات كل سنة وانت طيبة
عاملة لك تاج ياريت تجاوب على اسئلته عندك
ومن غير اى ضغوط
اعرف نفسك فقط
يا الكلمات
أول مره ازورك... كل سنه و انت طيب
المثير للسخريه إنه جرائم الحرب و الحكم نسجلها نحن سرا على القهاوي أو يسجلها التاريخ فيما بعد لكنن سلبنا أنفسنا الحق أن نٌحاكم و من يحكم هو من يحاكم هو من يٌجرم في حقنا
و دي دائره مغلقه ندور فيها للأبد
Very Good point
I think we should act positive instead of crying and complaining
One solution is to find a lawyer welling to take these cases to the supreme court
against the Government. As a national case not only “El3abarah” case or “Qatr Els3eed” case but the victims of the cancer, kidney …etc
what do you think ?!!!
لن يغفل التاريخ جرائم الحكم ابدا
انتوك
عندك حق...
حلم : انا والله اسف جدا ان كنت زعلتك
والحقيقه انا كنت خايف اكتب البوست ده عشان ما انساش حد
بس انتى عارفه كويس انك صديقه عزيزه جدا
وكل سنه وانتي طيبه
ان شاء الله هارد علي التاج في البوست اللي جاي
فريده : الدايره هتنكسر في يوم من الايام يا فريده وساعتها الراجل الغلبان اللي قاعد علي القهوه مش هيرحم الحاكم اللي ظلمه
كل سنه وانتي طيبه
المسحراتي : والله انا فقدت الثقه في الشرعيه الدوليه من زمان
امريكا جابتها تثبيت اكتاف
الحل لازم يبقي من جوه علي راي واحد صاحبي
انتوك : اتمني يا صاحبي
شيماء :مش كده والنبي ؟
منوره الكلمات
كلمات
السهل الممتنع
تستحقين التحيه
اكتب بالرصاص : شكرا علي المجامله الرقيقه
محمد مفيد : شكرا جزيلا
بس انا اسمي الحقيقي احمد
مش سوسن
:)
باقى من الزمن على وصول البرنسية
تك تك تك تك
اوعى متعلنش الخبر فورا
والخط يكون عريض وتقول
شرفت مصر كلها
احنا في الانتظار والله يا جدو
اكيد طبعا هاعلن تاني يوم
هالاقي ناس احلي من كده يفرحوا معايا؟
:)
Post a Comment
<< Home