الكلمـــــــات

الدنيا كلام ... بنسمعه او بنقراه او بنشوفه او بنفكر فيه... بس فى النهايه مجرد كلام

Name:
Location: Cairo, Egypt

Tuesday, August 01, 2006

عدت سنـــــــــــــــه


النهارده اول اغسطس
يعني تقريبا فات سنه علي افتتاح المدونه
من قبل كده بشويه رماني جوجل عند حدوته اللي كنت وما زلت باعتبرها ملكه جمال التدوين
واكتر انسان موهوب قريتله في حياتي
ومن يومها عرفت العالم السحري الافتراضي اللي اسمه تدوين
كنت قاريء لفتره تابعت خلالها كريم المصمم الساحر
ولست ادري ونعناعه اللي بمجرد ما تقرالهم تحس انهم اخواتك البنات
وبعد ما بدأت اكتب زادوا الاصحاب
عرفت غاده اللي مع نفسها
ومحمد هشام بلدياتي الموهوب اللي ان شاء الله ليه مستقبل كبير
وكروان ونور اللي احساسهم مش عادي
وياسر اللي باحس انه لوفيه منصب رئيس تحرير التدوين هيبقي احسن واحد يمسكه
وجيرونيمو المكتأبه دائما الموهوبه برضه دائما
وماشي الطريق المختلف اللي ما فيش مدون تاني شكله
وزنجي وسهروردي اللي مليانين حياه
وزبادي الصعيدي الاصيل

وعم احمد شقير كبير القعده اللي ربنا يرد غربته
وجدو اللي باحس انه بيطل مننا علي مصر اللي واحشاه اوي حتي لما بيبقي فيها
وانتوك وانتيكه اللي موجودين في كل حته والتدوينه اللي ما يعلقوش عليها تبقي ناقصه حاجه
وعم فتحي واستاذ مأمون شعرا العاميه والفصحي الجامدين
وغيرهم وغيرهم
ناس كتير دخلوا حياتي وبقوا جزء من يومي وفهمي للاحداث
باحكيلهم عني وعن احلامي
عن متاعبي واحباطاتي
حتي عن بنتي اللي جايه
الموضوع ما بقاش موقع علي النت مهما كانت خصوصيته
الموضوع بقي عشره وحب ودفا
وعشان كده في عيد ميلاد الكلمات
شكرا لوجودكم
شكرا اوي
:)

17 Comments:

Blogger Gid-Do - جدو said...

كل سنة وانت طيب يااحمد وكلامك الحلو عن المدونين يدل على اصلك الطيب الخير ربنا يبارك لك فى المدونة وتنشر لينا عليها صور البرنسيسه من اول يوم لغاية صورتها بفستان الفرح

10:05 AM  
Blogger karakib said...

عزيزي احمد ... في اول دخولي عالم المدونات منذ عام و كام شهر كنت اقرأ للكثيرين ...طبعا كان سبب مجيئي لهذا العالم الساحر جريده الدستور ...
كنت دائما باكتب يوميات وحسيت انهمن الممكن شويه من اليوميات دي تخرج للنور و تتكلم وتقرغ شويه و كانت البدايه
و علشان كده انا باعلق في كل المدونات لأني بدأت في هذا العالم كقاريء نهم للتدوينات ...
و صدقني المدونه بتاعتك دي قريبه من قلبي اوي لانها صادقه ... دائما صادقه
وده اللي بيخليني متابعها دائما ...
انتوك

11:58 AM  
Blogger sarah said...

عالم المدونات عالم رائع
جميعنا ادمناه وتعلقنا به
وفعلا من خلالها تعرفنا على شخصيات جدا رائعة
:)

6:14 AM  
Blogger santakarim said...

:-)

8:14 AM  
Blogger السهروردى said...

ألف مبروك يا بطل على كل حاجة حلوة فى دنيتك ، ع المدونة و رجوعك بالسلامه
ألف حمد لله على سلامتك
وربنا يديمها مدونة فرحانة
:)
وتدون بصحة وسعادة يا أخويا
:)

2:55 AM  
Blogger Lasto-adri *Blue* said...

ياااه
عمرك اطول من عمرى والله
كنت ناوية اكتب عن ناس قريبين من القلب.. وسيرتك وناس تانية كتير كانت ح تدخل فى الموضوع
:)

بس اقول لك م القلب للقلب...

تسلم لى.. وتسلم لى حبيبة بقى
;)

5:43 AM  
Blogger ماشى الطريق said...

كل سنة ومدونتك دايماً صادقة و جميلة و بسيطة يا وحش

1:53 AM  
Blogger Haitham said...

كل سنة وانت طيب والمدونة بصحة وعافية :)

1:49 PM  
Blogger Moia said...

:))

11:56 PM  
Blogger kalam said...

كل سنه واحنا كلنا بخير
ويا رب السنين اللي جايه نكتب عن حاجات افضل من اللي بنشوفها في بلادنا اليومين دول
الف شكر لكل من علق

11:57 PM  
Blogger Ø²Ø¨Ø§Ø¯ÙŠ said...

كل سنة وانت طيب ياحمد ودايما بخير انت واللي حواليك وأهل بيتك وحبايبك ومش قادر غير اني فعلا أشكر الظروف اللي خلتني اعرف التدوين واعرف المجموعة الكبيرة الهايلة دي
ومن قلبي ياحمد فعلا باقول لك ان من أول يوم فعلا استريحت لكلامك وبسرعة قوي استريحت لك وكل ما تكتب بتورينا البياض اللي جواك وطيبة قلبك وأسلوبك السلس في عرض أفكارك ومشاعرك وصدق التواصل بينك وبين الناس بسرعة وزي ما تفضلت وقلت أن التدوين عمل روابط وصداقات جميلة بيننا وبين مجموعة جميلة من الناس اللي رغم اننا ما شفناش بعض لكن التواصل كتير والاشتياق اكتر

تحياتي لك دائما

3:00 AM  
Blogger مـحـمـد مـفـيـد said...

كلعام وانت بخير والعام القادم مزيد من التقدم في عالم التدوين الذي اجتاحته بقوه
احييك

9:27 AM  
Blogger kalam said...

زبادي: انا والدتي من سوهاج يا استاذ محمد وانا عارف ومتاكد ان كلامك ده من القلب
ويا رب يا رب يجي يوم ممكن نتقابل فيه

محمد مفيد : شكرك علي تعليقك
نورت الكلمات

12:01 AM  
Blogger moorgen said...

بصراحه انااول مرة ادخل عندك واول حاجة احب اولها

كل سنه وانت بخير

تحياتى

3:48 AM  
Blogger Zengy said...

rabena ye7'aleek ya cd wallahi mesh 3aref 2a2oulak aih kefaya enny atzeker aslan wust el nas el 7elween dool bas mesh shayef enn malyan 7ayah da wasf mayntabeksh 3alaya 7'ales :D ??

1:23 PM  
Anonymous aboaml said...

اولاً كل سنة وانت ىمبتهج
وسعيد
وانت باحتفالك بتفنى ازاى دخلت عالم المدونات
وهاحكيه
بالظبط زى سمير غانم فى مسرحية المتزوجون لما انقذ شيرن من الغرق فى البلاعة
طبعاً مش شجاعة منه ولكن حد زقه
انا اتزقيت لعالم المدونات غظبن عنى وأي زقة يا معلم
الله يجازيك يا ابوشنب
سعدت بهذه المدونة جداً
وسأحتفل قريباً بالعيد الأول لدخولى عالم المدونات
تحياتى

3:26 AM  
Anonymous Anonymous said...

You have an outstanding good and well structured site. I enjoyed browsing through it keyword bextra law firm baikalguid bextra heart attack philadelphia Domain search by ip address bextra carolina litigation south best buy bextra lilliput lcd car monitor Patent 5794601 Connecting bluetooth to acura tl Cleaners eureka upright vacuum Meridia abuse golf cart accessory Sideeffects zithromax georgia bextra claim Online high school diploma adult education ged general

1:06 AM  

Post a Comment

<< Home