!!!!! بنــــــــــــــــــــــــــــــت
عرفنا نوع البيبى على السونار اول امبارح
طلعت بنوته
طبعا انا ضربت لخمه وفضلت متنح لحد ما روحنا
انا ما اعرفش اى حاجه عن تربيه البنات
يعنى بالنسبه للولد انا كنت عارف ومخطط
هيخش مدارس شكلها ايه
وهيلعب رياضه عند سن كام
وحتى لما نخرج مع بعض هنروح فين
لكن بنت؟؟؟
!!!!!!!!!!!!!
ده انا حتى ما فكرتش اوى اسميها ايه
مامتها بتقترح سلمى او حبيبه
ايه رايكم؟؟
حد عنده اسم بنت حلو وجديد
مع مراعاه انه ما يكنش معناه انها حلوه اوى
عشان فيه احتمال مش قليل انها تطلع شكلى
:)
posted by kalam | 4:52 AM
29 Comments:
الله يبارك
راجع ـ لو حبيت ـ انا كاتب اية عن البنات
http://ramo46.blogspot.com/2006/03/blog-post_31.html
حلو قوى "سلمى".. بص نصيحة.. ماتسميهاش حاجة بحرف الألف... بلاش مثلا "احلام".. او "امانى".. الخ
عشان حظها ح يبقى زيي وتتحط فى سكاشن "احمد" طول عمرها
حاجة تخنق قوى
وبالمرة.. بلاش اسماء "سارة" او "مروة" عشان برضو ح تتحط فى سكاشن "سارات"... جيش كدة من "سارة".. تؤ
عن نفسى بحب اسم "فريدة".. "غيداء".. ممم
اه افتكرت.. بلاش برضو اسم "ياسمين".. او اى اسم من أواخر الأسماء.. عشان ح تترمى فى آخر السكاشن.. وكل مرة ح تكره نفسها عشان بتنتظر طوابيير طوابير لحد ما ينادوا على اسمها "فى الشفوى اقصد"..
معانديش فكرة لاسماء بنات حاليا.. بس اول ما افتكر ح جبلك على طوووول
والف الف مبروك
ربنا يبارك لك ويكرمك فيها
البنات البنات.. الطف الكائنات.. غنوا يا تلميذات
طافاطيف طاطاطا
بيييب بييييب
مبرووووك
انت من اولها كسّرت كل القواعد
سلو بلدنا ماحدش يقول نتيجة السونار الا لحوالى مليون واحد بس
مش تنشره كدة
وبالنسبة للاسم اهم حاجة تبعد عن اسم مامتك وحماتك واى حاجة بعد كدة محتملة
أما عن تربية البنات فحدث ولا حرج
هتلاقى توك فى كل حتة
وشعر طويل فى فرشاة شعرك
وهتلاقى نفسك متقطع بينها وبين مامتها
وكل واحدة عايزة تستأثر بيك
غيرة وقمص من الطرفين
ومش هيحل الموضوع دة غير انك تجيب ولد بعدها
ساعتها بأة أنصحك بجد تهاجر
زى ما قلت فى البوست اللى فات
:)
بنوووووته ... تصدق ان البنات دول يعني الحنيه كلها نفسي انا اخلف بنوته فالاول ... مبروك يا ابو الكلمات
انت طلبت نقترح اسماء
ايه رأيك في مريم ؟؟ منه ؟؟ هبه ؟؟
ربنا معاك :)
انتوك
بنوووووته ... تصدق ان البنات دول يعني الحنيه كلها نفسي انا اخلف بنوته فالاول ... مبروك يا ابو الكلمات
انت طلبت نقترح اسماء
ايه رأيك في مريم ؟؟ منه ؟؟ هبه ؟؟
ربنا معاك :)
انتوك
عن الاسماء ابحث فى الموقع دة
http://www.babynamesworld.com/
واختار اسم سهل فى كتابتة بالحروف اللاتنية ـ ليلى ـ مثلا
هو في أحلى من البنوتة الصغيرة
تولد بخير والخلقة التامة إنشالله
وتربى بعزك وترفع راسك قول إنشالله
ما بعرف بس شو رأيك باسم ملاك أو حلا أو حنين
ألف ألف مبروك يا معلم
و الله أنا فرحان لك
:)
فى موضوع تسمية المواليد
فى مجموعة عادات متعارفة
:)
أ - الأسم يكون فيه موسيقى متلائم مع إسم والدها- خصوصا و أنت شاعر - و إسم جدها عشان ميبقاش إسمها و هو بيتنادى فى كوشفات المدرسة كأنك بترمى تلات زلطات ورا بعض
:P
ب- الأسم يكون جميل و له معنى سواء بالمعنى الحسى أو المعنوى
لأن كل إنسان بيحمل فى شخصيته الخارجية أو الداخلية جزء من إسمه
يعنى لو بنتك إسمها حنان حيبقى فى شئ من الحنية ، ولو سمر يبقى فيها شئ من المسامرة و هكذا
تربية البنات مش أصعب من تربية الولاد لكنها محتاجة معاملة من نوع خاص جدا بين الأب و بنته
فى حين أنك لو خلفت مليون ولد ممكن تعاملهم نفس المعاملة
آه نسيت أقول مبروك و تتربى فى عزك إنشا الله
جدو : الله يبارك فيك
انا عارف انك بتحب البنات جدا عشان خاطر ياسمين
وعلى فكره اسم ياسمين ده جميل اوى
شكرا على الموقع بتاع الاسماء
:)
لست ادرى : انا قلت عايز اسم ينفع اسميه مش الاسامى اللى ما ينفعش اسميها
:)
وبعدين مالهم الاحمدات بقى ان شاء الله
انا احمد على فكره
حلم: تعرفى ان اسم حماتى عاجبنى برضه
ليلى
تفتكرى هتبقى مشكله فعلا
:)
انتوك : مريم جميل فعلا يا هانى
ايهم : شكرا على الدعوه وربنا يسمع منك
حنين جميل اوى
بس المشكله فيه ناس اصحابنا لسه مستخدمينه
:(
سهروردى : ربنا يخليك
والله عارف انك فرحان من قلبك
بص
انا اسمى احمد حمدى
المشكله ان اى اسم بتلاقى احمد محشور بينه وبين حمدى
يعنى موضوع التلات ظلطات هيحصل هيحصل
احم..أنا قلت "احمد" فى أى حاجة فى كلامى... حتى اقرأ تانى كدة
لا فى احمد ولا حاجة
احمد الله انى فى سكاشن "احمد" طبعا
لاء بس انا قلت لك الأسماء اللى تشطبها من اللستة -لو عندك يعنى- عشان بنتك ما تقولش حاجة عما قريب
انا بحب اسم "لينا" برضو
لينا احمد حمدى
بس اصلك ماقلتش نوعية الأسماء.. عربية ولا عادى مش فارق.. ولا جديدة. ولا دارجة؟؟
ولا ايييييه؟
اقول لك .. سميها على اسمى بقى يلا
:P
إيمان... ايه رأيك.. اسم رائع اهوه
:) alf alf mabrook
we a2oal 3la 7aga sameeha ism mafeehooosh R 3shan ana aldagh :)
tetraba fi 3ezak
ايمان : اول مره اعرف اسمك
وهاعدى موضوع احمد :)
انا ميال اوى للاسماء العربيه
يعنى فى مستوى اسم سلمى
سيد العارفين :
هههههههههههه
امرك يا باشا
ما فيش ر عشان خاطرك
ولو ان اسم ريري كان مغرى جدا
مبرووووووووووووووووووووووووووووووووووووووووووووووووووووك
يابو الكلمات
البنات رزقهم واسع بإذن الله
بس شوية أنا أشك في السونار
يا رب نحضر السبوع
سميها جيفارا و تقضي الأسم شهدا بقي
"جيفارا أحمد حمدي"
أسم عسكري صحيح لعلمك أنا فرحتي مضاعفة أنها طلعت بنت لأن البنات أحن من الولاد بكتير ربنا يرزقك بيها الجنو أن شاء الله و تبقي أحسن أب ليها
مش عارف اتصدمت ليه لما اكتشفت انها بنت
طب أنا على غير السائد أتمنى يجيلي بنت جدا ... ويمكن اتلبخ لو جه ولد بصراحة
ربنا يخليهالك ويسعدك بها
معنديش اقتراح معين للأسامي .. لكن الأسماء التقليدية الجميلة موجودة زي شيماء , مريم , ندى ... يعني شوف انت بقة
أعتقد ان جزء من لبختك انك كنت عامل حسابك تسمي الولد محمد (اسم شائع جدا ومريح ولاأحد يعترض عليه) ... ياخسارة .. مفيش بنت ينفع تتسمى محمد
انا مش عارف انت عايز اسم كلاسيك ولا عايز تخش في التجريب
بس حرف الألف مهم جدا للمستقبل .. هاتخلص امتحانات بدري ولجانها دايما بيمتحنوا الأول .. حتى النتايج بتتنده بدري بدري قبل شدة الأعصاب الموجعة
تتربى في عزك ياريس
فرحت لك من قلبي بجد
مامون المغازى : الله يبارك فيك يا استاذ مامون
طبعا انت مش محتاج عزومه
زنجى : طب خليها كاسترو
على الاقل لسه عايش
:)
فهرنهايت : منور يا دكتور
والله هى الصدمه كانت فى اللحظات الولانيه بس
بس دلوقتى مش قادر اصبر عشان اشوفها
الف الف مبروووووووووووووووووووك
يعني مليون مبروك عليك يا ابو حميد
خيركم من بكر بانثي
ربنا يكرمك فيها و يخليهالك احسن بنت في الدنيا
احلي اسامي ممكن تلاقيها في القران
افتح اي معجم لتفسير كلمات القران هتلاقي كنوز من الاسامي اللي ممكن تسميها
و انت بتختار اختار اسم سهل هي تعرف تنطقه و هي صغيره
يا رب بارك فيها
مش قلت لك انت أبو الكلمات
مرمر : شكرا على الدعوتين الحلوين
وان شاء الله هاحاول اختارلها اسم سهل
مامون المغازى : قصدك ايه ؟؟
فاكرنى باقول كلام وبس يعنى
:)
طب ايه رايك انت معزوم بجد وهتطخ مشوار للمنصوره
افتكرت اسمين
ريمة
و نائلة.. بس بنقول لها نايلة
انا بحب اسم نائلة جدا
الف مبروك
انا عن نفسي لاأنا ولا مراتي تجرئنا وسألنا الدكتور عن نوع أي من ولدينا هما طلعوا ولاد بس ماحبيناش نعرف وماعرفناش إلا ساعة الولادة
الف مبروك
سميها عزة .. عشان في اغنية جديدة إسمها آه ياعزة تبقى تشغلهلها .. بس لأ دي اغنية رخمة والإسم بلدي اوي وبعدين ماتنساش حبيب الكل عزة إبراهيم الدوري
طب وبعدين حاجة تحير فعلا .. بس لست ادري بصراحة تعبت معاك في الموضوع ده .. ربنا يقدرك بأه وتردهالها
خلاص زي ماقالت سميها فريدة زي الملكة فريدة ، ولا بلاش لاتطلع شبه فريدة النقاش
لست ادرى : نتعبلك فى اولادك يا ايمان يا رب
:)
احمد شقير : لا يا عم
اللهم ابعدنا عن الملوك ورؤساء الجمهوريه والناس دى
يعنى لا فريده ولا سوزان ولا حتى خديجه
يا حبيبي أجيلك آخر الدنيا
ودا وعد الكل شاهد عليه
لكن أنا كنت فاكرك لماح يابو ( الكلمات )
لكن قل لي : ما سبب انقطاعك عن زيارتي ؟
ناس كتير حلوين بيزوروني من مدونتك
وانت حارمني طلتك
اتمنى لك كل السعادة
يابو : الكلمات
سموها حبيبه
راح تحبها اكثر من اخونها اللي راح يأتوا بعدها ان شاء الله
:-)
شكلها كده فعلا يا ليال
اعتقد انى هاسميها حبيبه
ان شاء الله
شكرا على التعليق
ألف ألف ألف مبروك
خلليك بعيد عن الاسامى اللى تنقط اللى زى باكينام و شيرويت و الحاجات دى
مالها نهلة؟؟؟؟؟
مبروك .. تتربي في عزك انت و مامتها
مبروووووووووووووك
سميها هاله بقا :DDDDDDD
Post a Comment
<< Home