ورق قديـــــــــــــــم
ساعه الغروب
الليل بيجرى
زى ما يكون عزرائيل
داخل على شمس النهار
زى القدر
زى الخطر
زى عينين
طالع من حوافيها الشرر
قاعد انا جنب الجدار
قاعد حزين
بابكى على روح شمس النهار
خدها الملاك الاسود وطار
ورمى بسواد اللون على قلوب البشر
...........................
فى الليل تحيا قلوب
لكن كمان فيه قلوب تموت
وتتزاحم افكار عقل الزمان عايزه تفوت
عايزه تحقق حلمها
اه منها
شمس النهار كانت بتحلم
واهى طايره غارقه فى دمها
الليل هجم
ودبحها سكينه الغليظ
طارت لفوق
لفوق
وهوت فى قلب الارض زى اى طير غبى
هو خلاص جنس البشر
اصبح حجر
ولا الزمان ده محتاجلوه نبى
..........................
ركنت راسى عالجدار
وسرحت فى جمال الغيطان
قلت لنفسى ليه كده
كله سواد
هو انت من اتباع شيطان
لا والف لا
الا الشيطان
انا انسان
مليان حنان
باحزن لشكل الشمس
وهى بتندبح
واحزن لاجل الحب
لما ينجرح
واشعر بالف قيراط سواد
فى قلبى لما يتحداه زمان
ولما تتلم الظروف
اشعر بخوف
واشعر بقلبى بيتنفض طالب امان
القى ايدين الاهل جايه تضمنى
القى الوشوش الطيبه
القى قلوب بتحبنى
افرح واجرى
اجرى لحدود المكان
وازعق على الليل وانصحه
شمس النهار اللى دبحها
راجعه تفضحه
هتحط طمى على الجراح
شمس النهار خلاص هتبطل نواح
شمس النهار راجعه اكيد
رافعه سلاح
لما بيهل الصباح
وانا هنا
قاعد يا ليل
يالى تشبه عزرائيل
انا فى انتظار
جنب الجدار
لما بيهل النهار
لما هيهل النهار
من ورق قديم كتبته وانا مكتئب
posted by kalam | 11:38 PM
18 Comments:
انتا انسان جميل اوى وشايف الدنيا بنظره طفل صغير ..حبيبى الدنيا موش حلوه كدا عيشها اوك بس متفرحش اوى .عشان متتوجعش
هو انا مش عارف ده مدح ولا زم
بس البنى ادم ده حاجه معقده اوىىىى
يعنى انا ساعات باحس ان جوايا اكتر من بنى ادم
لو كنتى قريتى التدوينه اللى قبل دى
كنتى شفتى انا انا نفسى فى حاجات كتير متناقضه
احنا جوانا الطيب والشرير والحلو والقبيح بنحتاج الحلو عشان نقدر نعيش مع نفسنا وبنحتاج الوحش عشان نعرف نعيش فى الدنيا
فهمتى قصدى ايه؟؟
عموما دايما تعليقاتك مختلفه
ودايما باحب اقراها
تكتب بصدق.. وهذا هو الأهم
هناك كلام أجمل.. لكن كتاباتك أصدق
ربما السر في بساطتها أو بساطتك
أود أن تكتب أيضاالنثر.. لأنه مثلما أعجبتني محاولاتك الشعرية لفتت نظري كتابات مثل "عرق البلح"
محبتي
أنا مبسوط لأنك رجعت للدفاتر القديمة وطلعتها ونشرتها لأن أنا عارف أن القرار دة ممكن ياخد سنين كويس انك طلعتها لنتمتع بها معك
رائع يا سيدي طبعاً أنا عارف أنك مش مستني كلمتي بس أهي شهادة للتاريخ بجد أحساسك عالي
3azara2eel??
sabro 2aleel
nafaso taweel
hammo lelly yeshelo te2eel
zai el 2adar
la2 akeed hoa el 2adar
bas el 2adar
nosso 2adar
wel baa2ay 2adar
egry..3azra2eel 7adar
wagreh leah
we haye3mel eh
hoa nos el 2adar
wana nos el 2adar
ya3ni el etneen 2adar
hatehrab ya 3azra2el mel 2adar?
ياسر: حاضر اوعدك اكتب نثر بس انت المسئول
mfm : تعرف فكره الرجوع للدفاتر القديمه تنفع تدوينه حلوه
زنجى: انت غلطان انا كنت مستنى كلمتك
para-thoughts:thanks for the contribution it's nice to have you here
ليه بس كده يا صاحبى ليه الحزن ده كله
أنا بتفق مع زنجى إنت أحساسك عالى جداً وصادق جداً
لو هو الحمد لله دى كانت مرحله وعدت من سنين
بس مش هاقدر اقولك الحزن ده عمل فيا ايه
ولا خلانى اتغير وانجح قد ايه
ربك كريــــــــم
وشكرا على موضوع الاحساس ده
ربنا يخليك
رقيقة جدا ألفاظك و إحساسك راقى و خيالك حلو وجميل
و كويس ان انت طلعت الورق القديم
علشان تمتعنا بيه
بجد مش عارف اقول ايه، لوو هي مش حلوة هقول والله، والحقيقة انا مش قادر اخفي اعجابي لأن اللي انت كاتبه ينم عن موهبة حقيقية وحرفة أصيلة واحساس عميق وألفاظ معبرة ... بجد برافووووووو
السهروردى: انا ما طلعتوش والله انا اتكعبلت فيه صدفه
المواطن المصرى:نورت المدونه وشكرا على الكلام الجميل اللى بتقوله
أول زيارة ليا للبلوج بس عجبني جدا
للأمام دائما
رائع جدا بجد
يا رب ما تكونش الزياره الاخيره
نورت البلوج
شعر جميل وإحساس مرهف
وتعبير دقيق عن احساسك
أعجبني مع أني أعشق الغروب!
bokra hatetla3 el shamss hatetla3 tigy el amara teb3at samara le de7ka gedida...
tab leih nez3al we ne2sa we ne3'dab madam bokra ra7 7aykoun fih shamss akida ...
wel fala7 sa7a men badry 2am we beygry 3ala rez2o we rez2 3eyaloh wala shal ham men el di2 wel 3'am 3ashan 3aref ba3d el leil fe shamss le bokra
antika :)
انتيكه سبقتني و علقت هنا :( مش هعرف اقول كلام بعد اللي قالته
بس باسجل اعجابي للمره التانيه بالمدونه ديه
انتوك
بص بقى البلوج انا لسه متصفحتهاش كلها ,, مبدئيا كده,, الله عليك ,,
تقديرى no0r
Post a Comment
<< Home