هنــــــــــــــــــــــــــا مقص
هنا مقص وهنا مقص
هنا عساكر بتترص
هنا بلادنا العربيه
فيها شويه حراميه
فيها الناس مستنيه
تملا الدنيا فرح ورقص
هنا مقص وهنا مقص
هنا عساكر بتترص
هنا الارض تسر القلب
فيها الناس مش كارهه الحب
فيها الناس عايشين فى الغلب
والحكام مش عايزه تحس
هنا مقص وهنا مقص
هنا عساكر بتترص
هنا بلادنا المحروسه
فيها الشمس الشموسه
جوه السجن ومحبوسه
مالقضبان مش قادره تبص
هنا مقص وهنا مقص
هنا عساكر بتترص
هنا امبارح
هنا اول
هنا الماضى وعمناول
لكن امتى نجيب بكره
لكن امتى نقول فكره
تحط بلادنا فى الاول
هنا مقص وهنا مقص
هنا عساكر بتترص
هنا الشارع
هنا الميه
وناس رايحه وناس جايه
وانا قاعد هنا وحزين
حاطط ايدى على عينيا
بانشف دمعى بالاكمام
وابص بعيد هناك قدام
واقول يا مصر فين امتى
هتحققلنا الاحلام
هنا مقص وهنا مقص
هنا الدنيا جايه تبص
posted by kalam | 12:03 AM
16 Comments:
7elw awi ana ba7eb esloubak fel ketaba wel ta3bir:)
antika
رائعة الكلمات
ربنا يوفقك
3ala fekra ana ma getsh hena
el kalam dah akid mosh 3ala masr
aywa mosh 3ala masr :D
antouk
من غير كلام كتير
شديييييدة
"هنا امبارح
هنا اول
هنا الماضى وعمناول
لكن امتى نجيب بكره
لكن امتى نقول فكره
تحط بلادنا فى الاول"
كان نفسي أملك اجابة على السؤال
اكمل القصيدة
.......
هنا الشعب النايم ميت تحت الخص
هنا الناس الخايفة الدون
سبعين شيخ ومليون لص
هنا الناس الجوعي الشبعى ضحك ولعب
وكورة
وقيديو ورقص
ص
ص
ص
ص
نقول كمان
ياشيخ
القلب موجوع
أبو أمل
زور مدونتى
أبو أمل
هنا مقص وهنا مقص
هنا الدنيا هجص ف هجص
هنا النعمة بتروح فين
شعب صوابعه دابت مص
مصارين دوبها كتر القرص
::::::::::::::
والناس عايشة ياخي بفضل ربنا
بس دا مش عيب حاكم ولا حكومة
دا عيبنا كلنا ويا ريت نكون صريحين أكثر شوية لأننا ما بنتكلمش غير لما قفانا يورم يعني إحنا اللي بنضر نفسنا وبلاش ننشر غسيلنا أكتر من كده
انتيكه : شكرا جدا انا كمان باحيب كراكيبكم اوى
تامر : نورت الكلمات ويا رب اشوفك هنا باستمرار
انتوك : انزل اى شارع فى مصر وانت تعرف انها هى
:)
فهرنهايت : ربنا يخليك يا دكتور
فينك من زمان؟
ابو امل : الله عليك
انا من المعجبين جدا بدمونتك بس كان بقالك فتره ما كتبتش بعد مشاهد الموت
بس اوعدك اجى تانى واوشوف الجديد
مامون الغازى: يا جماعه انتو احرجتونى انتو كملتوها احسن ما انا كتبتها
منور الكلمات يا شاعر
la la la mosh heya !!!
masr gamila :D 7000 sana sakafa reyada e3lameya sakafeya
anfa2 kabary metro
dimokrateya 7oreya benya ta7teya
la la la
mosh masr la la !! :D
enta shaklak keda mosh bete2ra el ahram !! wel a7'bar !! wel gomhoreya !!!
antouk
ههههههههههه
والله باقراهم ساعات
بس ديموقراطيه ودى موقراطيه تانيه خالص
هنا بلادنا المحروسه
فيها الشمس الشموسه
جوه السجن ومحبوسه
رائع
جميـــلة جدا
وخصوصا هذا الجزء
هنا بلادنا المحروسه
فيها الشمس الشموسه
جوه السجن ومحبوسه
مالقضبان مش قادره تبص
.......
وياريتها الشمس بس هى الى محبوسة
مدونة جميلة
محمد : منور الكلمات يا صاحبى
مانورا : واضح ان الحته دى عجبت ناس كتير
والله الروح جوه النفس محبوسه يا اختى
شكرا لتعليقك
لغة البساطة لساها جواك
بتقدر تعبر عن الأفكار بأبسطها كلمات
طبعا مش عايز أقولك أنها عاجبانى بقى
:)
اميره : اهلا بيكى فى الكلمات
What a great site attention deficeit caused by depakote 2004 chevrolet 2500hd photos Falling asleep on provigil Cambridgeshire driveways free antivirus cut cialis in half tiny teen titties girl Thermal receipt printers Short term maternity insurance link ppc se guidepedia the free encyclopedia Online webcam blackjack video game careers+ texas Vw front end cover Contact lens design Digital coffee maker provigil and forum Horse racing charts http://www.hummer-dealerships-5.info/Cargpsmonitoringsystems.html
High resolution also helps the laser printers create precise fonts without fuzzy edges. However, the cost-effective inkjet printers are usually recommended for inexpensive color printing. These can print high quality text, large photo prints, graphics, banners and greeting cards at less than half the price of a color laser printer. Nevertheless,
Monument sign
Post a Comment
<< Home