ورق قديــــــــــــــم 2
قطع غيار انسان
معروضه فى الفتارين
قطع غيار فنان
مين اللى عايز مين
هنا قلب مليان نار
محروق يا عين امه
بيغنى ليل ونهار
وبيشكى من همه
يصرخ تقولوا عنيد
يهرب حزين لبعيد
يحلم بحب جديد
يشفى عذاب المه
حدش يقول كلمه
حدش يمد الايد
وعيون ولد مجنون
فيها الالم مدفون
جوه الدموع مسجون
يبكى حنين ملعون
بيسيل مع دمه
قطع غيار يا ناس
فيها كتير احساس
لو حسها الخناس
يتوب الى ربه
حدش يقول كلمه
حدش يمد الايد
هنا معانا لسان
مربوط ومتلجم
محجوب عليه الصوت
وفى نفسه متحجم
نفسه يهد السور
نفسه فى مره يثور
ويصيح فى يوم ويقول
قطع غيار انسان
معروضه فى الفتارين
قطع غيار فنان
مين اللى عايز مين
حدش يقول كلمه
حدش يمد الايد
posted by kalam | 5:48 AM
17 Comments:
هتلاقى كتير زباين
أكل لحوم البشر أصبح موضة
بعد أن أصبحنا للبيـــــــــــــع
بيكيـــــــــــا
قطع غيار انسان
معروضه فى الفتارين
قطع غيار فنان
مين اللى عايز مين
الله بس ده شبه البلوج بتاعي الكلمتين دول
جو البيكيا و التحف بتاعتنا
انتوك
حلم: اكله لحوم بشر !!! هو البوست مقبض اوى كده
كراكيب : عشان تعرفوا انكم مش لوحدكم فى بيزنس البيكيا
:)
di monafsa ba2a ... fa la takoun monafasa ... :D
antouk
tefteker law keta3 el 3'yar dih 7ora kanet hateb2a a3'la ?!
wala keta3 3'ayar 2alam fanan a3'al fel sou2!
7elw awi el post dah :)
antika
بجد قصيدة رائعة
انتوك : اه هى منافسه
:P
انتيكه : والله ما انا عارف
بس دايما الانسان فى الالم بيبقى انسان اكتر
ولا ايه رايك؟
انتوك وانتيكه : منورين كراكيبى
انسان : ربنا يخليك منور دايما
مفتكرش حد هيمد ايده
ولا هيقول لك هات
اصلهم رخصوا قوى
وبقوا على قفا مين يشيل
ولما العرض زاد
الطلب قل
كلفت نفسك بأحلامك وسيب الفترينة
البنى قادمين معادوش صالحين للبيع
ولا حتى للعرض فقط
كلمات جميلة
صعي يكون ما فيها موجود الان ممكن بس نادر
ربنا يوفقك
الى الامام
سيبك من قطع الغيار البشرية وقلنا النونو حيجى امتى ؟
اشكرك جدا جدا على الكومينت اللى كتبته ليا في مدونتى اصوات لكن الاعتراف بالحق فضيلة الرباعيات منقولة بس انا حاولت اضمها كلها في ارسال واحد عشان اللى يحب يقراها يسترسل بدون انقطاع شكرا ثانية على زيارتك لمدونتى و اتمنى تكرر الزيارة
شعرك بيفكرنى بشعر مجدى نجيب ، بسيط و يحمل معانى كتير ، عارفه ؟
بطل بقى ورق قديم و إكتب لنا ورق جديد
بس حلوة جدا و بسيطة
يسلم القلب والعنينين واللسان .. يسلم لنا فيك الانسان
شعرك بيفكر صديقى السهروردى بشعر مجدى نجيب وبيفكرنى بالبدايات الأولى لصلاح جاهين زى " القمح مش زى الدهب القمح زى الفلاحين" و بعيد عن بيتكوا ياام فلان"
الكتاب يتقرا من العنوان
اوراقك خضراء. ودا مش مجرد كلام
حدش يقول كلمه
فعلا ما فيش كلام بعد كدة
حدش يمد الايد
لا ح نمد الأيد بسلام وتحية تقدير كبيرة قوي
اسف انى اتاخرت فى الرد على التعليقات
جيرونيمو : لا يا ستى شفتى كام واحد عبرنى
:)
تامر : شكرا على تشجيعك منور الكلمات
جدو : حبيبى منور كالعاده
الواد مطلع عينى مش عايز ييجى
عمال اعدله بقالى سنه
لسه 4 شهور بالظبط ان شاء الله
ايهاب : انت راجل جامد جدا لا شكر على واجب
وبرضه مجهود كتابتها كلها فى بوست واحد مجهود تشكر عليه
منور كلماتى
سهروردى : اصل انت مش عارف انا باكتب شعر لما اكون حزين اوى
غير كده ما اعرفش اطلع سطر واحد
وانا اليومين دول وعلى غير العاده
تخيل
سعيد
عبد الحق : ربنا يخليك يا عم ده انت هتخلينى اقفل واقعد فى بيتنا خلاص
صلاح جاهين مره واحده
لا بجد الف شكر على المجامله
زبادى : تسلم ايدك ومنور
وانت عارف ان البيت هنا بيتك
أنا قلت البدايات الأولى لصلاح جاهين.. البــــدايات.. والأولى.. يعنى المشوار قدامنا لسه طويل.يعنى بلاش تلاكيك ومتقوليش انا حقفل واقعد فى بيتنا. انا ماليش فى المجاملات اللى من النوع ده
You have an outstanding good and well structured site. I enjoyed browsing through it http://www.advantages-of-voice-over-ip.info/Arizona-accutane-law-enforcement.html Mature blondes fucking big men African american parenting ed yasmin sayyid http://www.nissan-skyline-7.info/Automatic-dishwasher-installation-and-trouble-shooting.html Wood penis comparison viagra cialis levitra Gets pornstars Tranny in toronto Swallow gang bang interracial wife Cum covered faces clips leather set sofa http://www.hardcore-gay-pics.info/campus-college-dating-interracial.html
Post a Comment
<< Home