فى طريقى للبيت
اقف فى انتظار الحافله
احتاج فى العاده الى عشر دقائق الى ان تاتى حافله مناسبه
اقضى الوقت كالعاده فى مشاهده الناس فى صراعهم مع الشارع
اشعر دائما ان الشارع فى مصر هو اكبر صراع فى حياه البشر
رجل مترهل يعدو فى استماته خلف حافله
امرأه عجوز تستجدى توصيله من احد السائقين
صراعات
صراعات
صراعات
تمر امامى سياره ملاكى يجلس بداخلها طفلين
لا ادرى لما اعتدلا حين مرا امامى
رمقنى اكبرهما بنظره غاضبه لا ادرى لها سببا
ورمقنى الاصغر بنظره خاويه
ثم مد يده نحوى وكانه يريد ان احمله
لم استطيع تحويل نظرى عنهما حتى غابت السياره
شعور جميل يحتوينى
اشتاق كثيرا لزوجتى
اقفز فى اول حافله تمر امامى مع انها ليست المنشوده
هى فقط ستحملنى لمكان اقرب
ساكون اقرب لامراتى مما انا الان
اعدو درجات السلم
افتح الباب على عجل
اجدها نائمه
اضع عيوناتى جانبا حتى اراها دون حائل
انظر الى بطنها المتكور الذى يحمل طفلى الاول
ابتسم
امد كفى اود المسه
اتراجع
اخشى ان تستيقظ
اخلع معطفى
واخرج للشرفه
مطر خفيف يتساقط
ارفع وجهى واغمض عينى واستمتع بالمطر
اتنهد بحراره واتمتم
"يااااااااااااااا رب"
posted by kalam | 4:06 AM
17 Comments:
المهم انك الحمد لله وصلت للبيت
ربنا يكرمك بالذرية الصالحة ان شاء الله
تدوينتك جميلة .. وكلماتك رقيقة
وبالنسبة لدعائك .. فاللهم اّمين
ربنا يخليك
نورت الكلمات
"الشارع فى مصر هو أكبر صراع فى حياة البشر"
نعم.. صدقت
ولكن.. هل قدرنا أن نصارع في الشارع مع أن هذا من أبسط حقوقنا؟
إنها الدوامة التي تفرضها علينا الفوضى ويجبرنا عليها الإهمال.. لنبقى في حالة صراع يستنفد طاقاتنا بدلا من أن نوجهها نحو صنع حياة أفضل لنا ولغيرنا
أسلوبك جميل ويتسلل إلى القلب
محبتي
إيه ده
الكلام ده بجد
دعواتى الصادقة ليك والله
ياصاحب الكلمات
يشرفنى ان تكون صديقى وهل من المعقول ان يرفض الخريف يد الربيع حينما تمتد اليه بيد الصداقة...ان شاء الله ربنا يسعدك بالمولود ويتربى فى عزك انت وزوجتك ويبارك الله لكم فية او فيها ويجعله من الصالحين البارين بالوالدين
آمين آمين يارب العالمين
ياسر: للاسف يا ياسر موضوع الشارع ده احنا مسئولين بشكل كبير
منور دايما
ماشى : اه والله بجد وشكرا على دعواتك
جدو : نورت والله على دعوتك
ربنا يخليك
ربنا يرزقك ويجعله من الصالحين
اولا شكرا على الكلام الجميل اللى قولته و لو انى شايف انه كبير قوى على
مش عارف ليه حاسس ان فيه حاجات كتير مشتركة بينا ,,,, يمكن تكون العلاقة القويه بين الاحساس و الكلامات
عموما , سعيد بمعرفتك
زبادى : من بقك لباب السما
ادهم وواى نوت : شرفتوا الكلمات وشكرا على التعليق
انسان : انا اسعد بمعرفتك ويا رب اشوفك هنا على طول
shaware3 masr shaware3 fa2ira bel shakl enama 3'aneya awy awy bel masha3er 7ata law kanet masha3er makbota ... bas heya masha3er ensaneya lazem ne7teremha ... awy .. ya3ny el tefl elly bybos nazra fare3'a dah akid 3ayez y2ol 7aga .. akid bas ma7adesh edalo forsa ... el kbir bas bi nazra 3'adeba ... akid fy 7agat 3ayez y2olha mosh ader y2olha bi lesano alha bi 3enih ... 3moman el blog dah bardo gamil .. ana awel mara a7'osho bas wade7 eino gamil ..
antouk
شكرا على تعليقك جدا
الحقيقه الشارع فى مصر ينفع يطلع منه الف تدوينه
مليان تعب وصراع وحب وضحك وكره وفوضى
عموما لما تشوف حال الشارع فى مصر تحس ان مصر ماشيه بالبركه
مافيش اى نوع من النظام
الناس مرميه فى الشارع مع بعض والمفروض انهم يلاقوا طريقه يعيشوا بيها مع بعض من غير ما يموتوا
الشارع المصري ده حكايه ... عاجبني اوي المدونات دي فيها ناس بتحس بصحيح يا صاحبي ...
عارف المواصلات العامه دي تحفه ... مترو الانفاق احلاها شكرا لفرنسا انها ساعدت الشعب ده ... كله قصص تنزل بدري الناس قرفانه رايحين اشغال مش بيحبوها ... تنزل بعديها بشويه تلاقي طلبه المدارس الحبيبه و اللي كل واحد فيهم قصه حياته تنفع روايه ننافس بيها انطون تشيكوف في احلي ما كتب و نتفوق عليه و لا بالليل و مترو وسط البلد و الرجاله الانتيكه اللي لابسين برانيط و سكرانين طينه بيئه غنيه اوي و جميله اوي مصر فيها مشاكل و مشاكل كبيره اوي اكيد في هتتحل بس ناقصها شويه ورد ... و شويه شوارع نضيفه .. و حمامات لازم نعمل حمامات فالشارع علشان تحت الكباري بقت حاجه صعبه اوي :) عموما مصر عاجباني صحيح ناقصها حاجات بس بحبها ...
انتووك
عمنا صلاح جاهين قالك
واكرها والعن ابوها بعشق زى الداء
هى مصر كده
انت مخنوق منها وكاره الوشوش اللى مالياها
ولو بعدت عنهم تتجنن وترجعلهم جرى
انت عارف حتى اللى سابوا مصر وما رجعوش
ما فضلوش زى ما كانوا
اتمسخوا
ده كان الحل الوحيد عشان ينسوها
ربنا يرزقك بالخلف الصالح، كلامك بسيط و جميل و يصل إلى القلب دون حواجز.
تحياتي لك.
يااااااه
ابو الليل بنفسه
منور الدنيا
بجد شرفت الكلمات
الله
:))
Wonderful and informative web site. I used information from that site its great. Prestige auto alarm serwis pozna irish culinary arts schools Mcgraw-hill companies average bullish moving stock opinion pseudoephedrine zyrtec
Post a Comment
<< Home