الكلمـــــــات

الدنيا كلام ... بنسمعه او بنقراه او بنشوفه او بنفكر فيه... بس فى النهايه مجرد كلام

Name:
Location: Cairo, Egypt

Tuesday, May 16, 2006

من فعلهــــــــــــــا؟

ان الناظر الى السيد محمد حسنى مبارك قبل توليه حكم مصر يجد انسانا يملك تاريخ اكثر من مشرف
الامر الذى يجعلك تتسائل
من فعلها ؟
هل يقمع الحاكم شعبه فيظهر المقهور والمعارض والمنافق والسلبى والهارب والطامع
ام ان شعب مصر شعب يصنع الديكتاتور برفعه الى ما يشبه الاله؟
وما بين شعب اكثره اما سلبى اومنافق
وحكومه فاسده كفت بالتاكيد عن الشعور باثامها

لك الله يا مصر

امد الايد تقول فينك؟
عميتى؟
ولا مش شايفه؟
ايديا اهى
هاتى ايديك
يا بلدى ليه كده خايفه؟
هاتى الاحلام هنا جنبى
تعالى اسكنى فى قلبى
ولا يهمك
ولاتخافى من الزحمه
ولا تخافى من السجان
فى قلبه فيه اكيد رحمه
مهو انسان
صحيح سجان
لكن انسان
كبر رعرع هنا فى ارضك
اكيد مفروض يصون عرضك
وان ما رضيش ما يشغلكيش
هنحلم قد ما نحلم
نموت نحيا هنا جنبك
نقابل رب مبتسمين
ونحلم بس ارواحنا
تشوف عينك
فى يوم عادل كيوم الدين
وما بتبكيش
ساعتها بس ارواحنا
وان متنا
صحيح هتعيش

13 Comments:

Blogger manora said...

جااااااااااااااامدة جدا بجد
ايه الروعه دى بص

خصوصا الحتة دى:
ساعتها بس ارواحنا
وان متنا
صحيح هتعيش

اهو الواحد نفسه يعيش بالطريقه دى

2:58 AM  
Blogger حــلم said...

بيعجبنى دايما روح التفاؤل اللى عندك

رغم كل كل شىء

9:26 PM  
Blogger karakib said...

الله ينور عليك
عين الصح اللي كتبته اول جملتين عن الريس
انتوك

6:03 AM  
Blogger مأمون المغازي said...

الحمد لله على سلامة عودتك يا جميل
كلها أعجبتني جدًا جدًا... أبدعت يابو الكلمات
ـــــــــــــــــ
تعال شاركني الدعوة التي نشرتها في مدونتي
حرصًا على الإسلام وعلى مصر وحرصًا على نبينا الكريم
وحرصًا على سيدنا المسيح
:
يعني نتعامل مع حبنا لمصر بالعقول مع القلوب
:
يارب تفهمني
تحياتي

11:27 AM  
Blogger ayhm jzzan said...

تحية لمصر
تحية لشعب مصر
الله يوفقكم لما فيه مصلحة مصر

2:58 PM  
Blogger سندباد مصري said...

مش عارف يمكن متفائل ذياده عن الزوم

يمكن احنا محتاجين كده دلوقت

انا طبعا لا أعلق علي البناء الشعري فقد اعجبني البناء

انا اعلق علي الفكره

خصوصا ان اكيد السجان انسان

لا اظن السجان ممكن يكون حيوان

من كتر ما جلس امام القضبان ما عاد يري مثل الأنسان القابع خلفها

ربما لمد يعد انسان ولا حيوان

ولكنه ليس بكل تأكيد مثل من سجنهم

أو علي الأقل لم يعد كذلك

3:28 AM  
Blogger أبو أمل said...

الله عليك شاعر جميل
لكن لن ننتظر رجمة من جلادينا
كما قال عمنا فؤاد حداد



السجن مبنى من حجر
السجن مبنى من قلوب السجانين
وكما قال العبد لله الفقير الفاني

قضبان حديد
مغروزة
فى نص المسافة
بين عنيك
ووحدتى
واحنا وراها
أو أمامها
مسجونين

ارجو مطالعة جديدى
( بالروح بالدم نفديك يا شعبولا)

3:18 PM  
Blogger kalam said...

مانورا : انا مبسوط انها عجبتك

حلم : والله انا على المستوى الشخصى مريت بظروف صعبه جدا واللى يشوفنى وقتها كان يفتكر ان الظروف دى هتدوم
لكن ما دامتش الحمد لله
فدايما فيه مخرج من الضلمه للنور
ده جزء من الايمان بالله وبرحمته

كراكيب : مش كده يا هانى والنبى ؟
من فعلها بقى ؟

استاذ مامون : منور الدنيا كالعاده
وبتعجبنى ابو الكلمات دى
ان شاء الله جاى طبعا

ايهم : منور الدنيا يا سورى يا عسل احنا همومنا واحده والمشكله واحده

سندباد : ما هو من غير شويه تفاؤل يبقى هنروح كلنا ندور على ترب تمليك

ابو امل : انا باطالع جديدك باستمرار
شكرا على تعليقك يا راجل يا جميل

11:34 PM  
Blogger karakib said...

عزيزي كلام ... الموضوع كبير اوي و اللي عملها عده اسباب و من ضمنها انت و انا و كل مصري
انا بس كنت عايز اسمع رأيك فالموضوع اللي موجود عند زنجي http://autumnoffury.blogspot.com/
عن القوميه العربيه و الجدال الدائر بين مدونتين
يا ريت اسمع رأيك عنده هناك
علشان الموضوع فعلا يهمني اني اسمع رأيك فيه ...
انتوك

3:45 AM  
Blogger Ø²Ø¨Ø§Ø¯ÙŠ said...

يا فرحة مصر بيك يابو الكلمات .. والله كأني باسمعها بتقول هو دة ولدي

4:34 AM  
Blogger كلمه said...

صحيح سجان
لكن انسان
كبر رعرع هنا فى ارضك
اكيد مفروض يصون عرضك

to7fa..... mn a7la elgomal elly seme3tha .... fe3lan

5:45 AM  
Blogger Osaid Rasheed said...

very nice posts man !
good day

4:34 PM  
Anonymous Anonymous said...

You have an outstanding good and well structured site. I enjoyed browsing through it usaa+car+insurance Top result for football betting odds site American hockey league schedules Baccarat crystal showroom france Cialis drug generic minuteviagra minuteviagra.com online Car kia winnipeg

9:13 AM  

Post a Comment

<< Home