باقى شهـــــــــــــــــــــــــــور
باقى شهور ويجينى ابن
خلاص حصل
ابنى اللى باحلم اشوف عينيه
تقريبا وصل
نفسى احضنه
احتويه او يحتوينى
باقى شهور بينه وبينى
باحلم بكفه من سنين
باحلم وواكلنى الحنين
باحلم اقوله كنت فين
سايب ابوك وحده هنا
منه الهموم متمكنه
فيه الدموع متسكنه
نفسى اضمه
اعصره
اخده فى قلبى واغمره
بدموع كتير متجمعه
عندى انا
لكن خلاص
ابنى وصل
هنقول كلام غير الكلام
هنغنى للطير والحمام
وهاشيل دراعه افرده
وارشقله كفه فى السما
لازم يطير
لازم يكونله جناح قوى
لازم يعيش انسان كريم
يحيا حياته كلها
وفى كل لحظه منها
يفرح اوى
اوى
اوى
فاضل 3 شهور
دعواتكم
:)
posted by kalam | 4:52 AM
36 Comments:
كلام جميل كله أمل
أجمل ما فيك أن أملك شديد
عساه يصل بالسلامة
وترشق
كفه في السما
والأرض أرضه
من غير حدود
يلملم النجوم
لملمة
يا رب يا استاذ مأمون
من بقك لباب السما
شكرا على الدعوه الجميله
:) اول مره اجي البوست بتاعك
اول حاجه اقراها لك
ده اول ولد يجيلك؟
يا رب تشوفه احسن من اللي نفسك فيه
اول ما يجي عايزاك توصف اول احساسك به بعد اول نظره عليه
:) اول مره اجي البوست بتاعك
اول حاجه اقراها لك
ده اول ولد يجيلك؟
يا رب تشوفه احسن من اللي نفسك فيه
اول ما يجي عايزاك توصف اول احساسك به بعد اول نظره عليه
ربنايرزقك الذرية الصالحة
ما هما الأمل
هما ظلنا على الأرض
ربنا يسعدك
مرمر : مش عارف هاعمل ايه يا مرمر بيتهيالى يا اما هاقعد اضحك زى الاهبل
يا هاقعد اعيط زى الاهبل برضه
ده اول طفل بالمناسبه
ابو امل: ربنا يخليك يا راجل يا جميل
أنت إنسان جميل
و أشهد عليك جمال الروح يوم ما أشوف ربى
طفل جميل من صلب طفل أجمل
و عشانك انت بس
ليك عندى تدوينة فى سيف خشب قريبا بأذن الله
ييجي بالسلامة يا معلم متنساش تعزمنا علي السبوع بقي ;)
الاخوين مره واحده
يا اهلا بالعائله كلها
منورين يا شباب
واتنين سبوع خصوصى عشان خاطركم
سهروردى : وعد الحر دين عليه
انا مستنى
:)
يا رب يا رب يبقي شخص ناجح و سعيد في حياته و عايش في مجتمع بقي انضف و ارقي
يجب ان توعجه بانك ستفعل كل >لك له
انتوك
يااه اول طفل
بتكون ليه معزة خاصة
بجد ربنا ينور له طريقه و انت معاه
و تعلمه كل القيم و الاخلاق الى انت عايز تعلمهاله
بجد ربنا يخليهولك يكبر قدام عينيك و تحس انك احسن و اكثر اب فخرا فى الدنيا
إنشاء الله هايغير حياتك للأحسن وهاتحس إنك إنت اللي إتولدت من جديد
ربنا يجيبهولك بالسلامة
أنا مكنتش أعرف ان مشاعر الأباء بتبقي للدرجة دي...بجد الكلام مؤثر ٌأوى
اولاً : الف مبروك و عقبال ما حلمك يتحقق بسرعة و تلاقى ابنك بين احضانك
ثانياً : همتك يا بطل و توفى بوعدك اللى وعدته لابنك و اللى كل المدونين شاهدين عليه :
وهاشيل دراعه افرده
وارشقله كفه فى السما
لازم يطير
لازم يكونله جناح قوى
لازم يعيش انسان كريم
يعيش حياته كلها
وفى كل لحظه منها
يفرح اوى
اوى
اوى
ربنا يقدرك و الف مبروك
على فكرة , هتسميه ايه ؟؟
عزيزي ... مظطر اعلق تاني ... ارجوك اوعي تحجر علي طموحه .. اوعي ترسم له انت اي مستقبل ... وجهه ارشده اديله مباديء الدين و الاحترام و كل خبراتك في شكل عملي بلا نصائح اتركه حرا
حرا طليقا ليفعل ما يشاء بعد ان تعطيه المباديء السليمه و اتركه يخطيء و يصيب يتعلم ... يتكعبل فالدنيا و يقف وحده ...
يعيش الحياه كما هي و انت تراقبه و تمد له يد العون عند الضروره القصوي فقط
انا برضه اديتها نصايح مع اني بكره النصايح
التجربه هي الافضل
انتوك
انتوك : يا رب يا انتوك يسمع منك ربنا
مانورا : دعوتك حلوه اوى ربنا يسمع منك
احمد شقير : ربنا يخليك يا احمد منور الكلمات وربنا يجيبك انت كمان بالسلامه
لسه بتتنفس : ياه واكتر من كده كمان
في حاجات الكلام مال يقدرش يعبر عنها
انسان : والله باحاول على قد ما اقدر
بالنسبه للاسم
لو ولد زياد او مصطفى
لو بنوته حبيبه او سلمى
دى الاختيارات وماما بقى هى اللى هتاخد القرار النهائى
انتوك : انا عارف بالظبط انت بتتكلم عن ايه والله
وربنا يسهل
انا مؤمن انى لازم اعرضه لكل حاجه حتى وليكن فى الرياضه اللى هيلعبها مثلا
لازم يجرب ده وده
وحتى ان ساعدته بعد كده فى الاختيار هيبقى بناء على اللى انا شايفه هو معجب بيه
بس هو يمكن يبقى ساعات مش واعى لاختياراته هو نفسه
يعنى
مجرد افكار
ربنا يسهل وربنا يبارك فيه يا رب
شكرا على تعليقك مرتين
د.حسين : انا اللى مش عارف اقول ايه
انت بتكتب من قلبك وفعلا باين انك فرحان بجد
شكرا اوى اوى
على الفرحه الجميله والدعوتين اللى انا متاكد انهم طالعين من القلب
الله يتممها معاك ويجيك الولد بكامل الصحة والخلق التام الله يتممها معاك ويربى بعزك ويعزك
الله يتممها معاك ونفرح بفرحك وتفرح بفرحو
ربنا يكرمك بالخلف الصالح ويسعدك بيه
أنا سعيد للفرح اللي بين ضلوعك والحلم اللي في الطريق اليك
:)
أكيد ابنك في كل لحظة .. هايفرح أوي أوي .. لأن له أب بهذه المشاعر
الأبناء امتداد لنا.. نهر من الجينات يفيض.. وعواطف جياشة تستلقي على ضفتيه
نظن أننا نربي أبناءنا لكن الكبار منا يعرفون أنهم هم أيضا يربوننا بطريقتهم
لكن الذرية الصالحة مفتاح السعادة والرضى.. أيها الإنسان الجميل
ايهم : شكرا على تعليقك ودعواتك واهلا بيك دايما
فهرنهايت : ازيك يا دكتور شكرا على دعواتك
ويا رب يبقى سعيد لاى سبب
المهم يبقى سعيد
ياسر : اهلا يا صاحبى
عامل ايه
والله هو بيربينى من دلوقتى
:)
مش عارف لما يجى هيعمل ايه
تحية لك
والمدونة جميبة جدا ممكن أعملها لنك من عندي ؟؟
فكرة انك يجيلك ابن في حد ذاتها فكرة مخيفة ومرعبة، وأنا شخصيا بأعيشها من دلوقتي، لكن سبحان الله أول ما تلاقي الطفل بين ايديك تحس ان كل حساباتك اتغيرت، وكلا مخاوفك اتبددت، وكل لحظة قضيتها مع نفسك بتقول فيها: هو ايه اللي أنا عملته ده، هتنساها أول ما تشيل ابنك بين ايديك وتبص في عينيه
ربنا يكرمك ويخليهولك وتقدر على تركيب جناحاته، أهم حاجة ان ابنك يطير، وده أكيد هيحصل علشان عنده أب جميل زيك
ايهم : طبعا يا اخى
انت بتستاذن
المواطن المصرى : انا عارف شعور الرعب اللى انت بتتكلم عليه هو بيجيلك لما الفرح يقرب قبل ما تتجوز وقبل الولاده فى اول طفل لكن بعدها بتحس ان هو ده اللى انت اتخلقت عشانه
شكرا على الدعوتين وعلى تشريفك كلماتى
كلام
بجد أحلامك كبيرة
يارب تتحقق
كلها
يارب يكبر ويبقى قدها
على فكرة
ان شاء الله هيبقى أسد
برجه كدة
:)
اول مره ازور البوست
جميل اوى دا الاحساس
ربنا يبعتهولك نعمه تزين احلامك و حيلتك
حلم : شكرا على التعليق وعلى الدعوات
ويا رب يبقى اسد برجا وفعلا
اسلام : ربنا يخليك ونورت الكلمات
احسن حاجه الامل
وخليك كده على طول
ويريت تزرنى
ربنا يجبهولك بالف سلامه يا رب ويقومهالك بالسلامه ويباركلك فيه يا رب يا رب يا رب .. ابقى طمنا عليكوا بقى :))))
ابن الشارع : شكرا لمرورك واكيد هازورك ان شاء الله
مويا : يا رب يا ست مويا يسمع منك ربنا
وطبعا هاطمنكم احنا ما لناش حد غيركم
:)
ربنا يكرمك ويفرح قلبك بولي العهد ان شاء الله ويعطيك رزقة ويبارك لك فيه ويجعله من الصالحين
آمين يارب العلمين
fein elly ba3do ?? 3ayez ashof el post el gedid ba2a :D
antouk
حاضر
من عينيا
:)
اللــــــــــه.. الف مبروك ع الحرف الصغنون
وعقبال باقى الحروف وأخواتها ان شاء الله
منوره الكلمات
ماشفناكيش من زمان
Looking for information and found it at this great site... » » »
Post a Comment
<< Home