شعر الريس مبارك .. إهداء إلى شعب مصر
ياشعبي حبيبي ياروحي يابيبي ياحاطك في جيبي يا إبن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله دا حال
أحبك محشش مفرفش مطنش ودايخ مدروخ وآخر انسطال
أحبك مكبر دماغك مخدر ممشي أمورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ما قال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار أو ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك زعيم الرجال
ساعتها حجيبك لا يمكن اسيبك وراح تبقى عبرة وتصبح مثال
حبهدل جنابك واذل اللي جابك وحيكون عذابك دا فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضية وتصبح رزية وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال
نقلا عن منتدي
Egypt-Developers
posted by kalam | 7:30 AM
5 Comments:
أبو بيبو
حرام عليك
حبيبة لسه صغيرة
كويس انى جيت الاول
شيلها وخليك صاااااامت
وصاااااااااااامد
اما القصيدة .. فهى تحفة
وخصوصا آخر بيت
بس مين كاتبها يا ترى
عم نجم؟
فيه الخير
الواحد كان بيحس بحرج و إرتكاب ذنب لما تفلت منه ويقول إبن الـ... على أساس يعنى إن أبوه ملوش ذنب
يا ستي سيبيها لله
وبعدين ما هي منشوره علي المنتدي اصلا
بس الكاتب غالبا العضو اللي كان عامل بوست مش حد معروف
عجبنى اسم مدونتك :)
فقلت لما ادخل ابص
الزجل دة روعة
اعتقد ان الكاتب
احمد فؤاد نجم
مشكور جدا على الكلمات دى
روعة
تحياتى
Post a Comment
<< Home